Isang lalaki patay nang masabugan ng granada sa lalawigan ng Cotabato.
Kinilala ang biktima na si Jun Briones Delos Reyes na residente ng Barangay Old Bulatukan, Makilala, Cotabato.
Ayon kay Makilala Chief of Police Major Orphie Julian, umuwing lasing si Delos Reyes at nagtalo pa sila ng kanyang live in partner. Matapos ang ilang minuto ay nakarinig ng pagsabog ang kanilang mga kapit bahay.
Dagdag ni Julian, ang biktima ay nagtamo ng maraming sugat sa kanyang katawan at nakaligtas ang live-in partner nito.
Sa ngayon ay nagpapatuloy pa ang malalimang imbestigasyon ng makilala PNP sa nangyaring pagsabog. —sa panulat ni Kim Gomez
