Isang 48-anyos na lalaki ang nasawi sa panibagong serye ng random attacks sa Transit System ng New York City.
Ayon kay Kenneth Corey ng New York Police Department (NYPD), kaagad na tumakas ang hindi pa natutukoy na suspek makaraang mamaril sa isang train station sa Manhattan.
Pabalik-balik na naglalakad aniya ang suspek sa train car hanggang sa bigla na lamang itong naglabas ng baril at tsaka pinaputukan ang biktima nang malapitan.
Nabatid rin sa imbestigasyon na hindi magkakilala ang biktima at ang suspek, at walang nangyaring interaction bago ang insidente.
Isinugod pa sa Bellvue Hospital ang biktima ngunit idineklara itong dead on arrival.
