Patay sa pamamaril ang isang lalaki ng hindi pa tukoy na salarin sa Calamba City, lalawigan ng Laguna mag-a alas 8 kaninang umaga.
Batay sa impormasyong natanggap ng Calamba City PNP, sinasabing nangyari ang krimen sa bangketang sakop ng isang kainan sa Brgy. Halang sa naturang lungsod.
Kinilala ng pulisya ang biktima na si Rogelio Dominguez, tinatayang nasa 50 hanggang 55 taong gulang at residente ng Brgy. Mamatid, Cabuyao, Laguna.
Nabatid na naglalakad lamang umano ang biktima sa naturang bangketa nang bigla itong pagbabarilin ng salarin na agad tumakas matapos ang krimen.
Patuloy naman ang isinasagawang imbestigasyon ng mga awtoridad sa nasabing krimen gayundin naman sa kung ano ang motibo sa naturang pamamaslang.
