Isang lalaki na nagbebenta ng passport renewal schedules ang natimbog sa ikinasang joint operation ng Anti-Red Tape Authority at National Bureau of Investigation.
Kinilala ang suspek na si Modesto Bartolome Jr, na agad dinala sa NBI Special Task Force kasama ang ilang narekober na bagong Philippine passport at pera.
Nito lamang oktubre, ay naging mahirap ang pagpapa-schedule para sa passport renewals sa DFA dahil sa pandemya kasabay ng paglobo ng nagpapalista sa online passport renewal schedules na nagkakahalaga ng P2,500 hanggang P20,000
Gayunman, sa presyo ng Department of Foreign Affairs, nagkakahalaga lamang ito ng P950. Kabilang naman sa nasabat ng ARTA at NBI ang mga ebidensya ng private emails kung saan naganap ang transaksyon. —sa panulat ni Drew Nacino
