Arestado ang isang lalaking 24 na taon nang nagtatago sa batas sa kasong pagpatay sa Navotas City.
Kinilala ang akusado na si Rey Fareja, 52 anyos.
Ayon sa mga otoridad, na si Fareja ay nahaharap sa kasong murder na naganap noong 1998 at dalawa pa nitong kapatid, na paulit-ulit umanong pagsasaksakin ang biktimang si Rodolfo Raquel hanggang sa mamatay.
Nakakulong na at hinahanda na ang karagdagang kasong isasampa ng mga otoridad laban sa suspek. —sa panulat ni Kim Gomez
