Nakilala na ng Philippine National Police (PNP) ang lalaking nanggahasa sa apat na guro sa Sagnay, Camarines Sur.
Kinilala ni Police Captain Rosalinda Moises ang suspek na si Enrique Algaba na nanggahasa din ng dalawa pang mag-aaral na edad 17 at 21.
Dating gwardiya sa Maynila si Algaba na nawalan ng trabaho at umuwi na lang sa kanilang Barangay.
Sa ngayon, pinaghahanap na ng mga otoridad ang suspek at humingi na rin ng tulong sa publiko para sa mabilis na pagkakadakip dito.
Naglabas naman ng pabuyang P50-K si Sagnay Mayor Jovi Fuentabella para sa sinomang makapagsasabi ng kinaroroonan ni Algaba.
