Nailibing na ang isang lalaki matapos mabaril ng isang pulis sa Bacolor, Pampanga.
Kinilala ang biktima na si Abelardo Vasquez III, 20-anyos na sinita dahil wala umanong suot na facemask at binaril hanggang sa mamatay ni Police CPL. Alvin Pastorin, isang intelligence officer sa Pampanga Police Station.
Suot ang itim na laso sa mga braso, ay humihiling ng hustisya ang pamilyang naiwan ni Abelardo at umaasang mapakikinggan ng gobyerno ang sinapit nito sa kamay ng mga pulis.
Nakakulong na ang suspek na si Pastorin at nahaharap sa kasong homicide.
Sa ngayon planong magsagawa ng refresher course ang Philippine National Police sa Pampanga para muling sanayin ang mga pulis sa proper response at para hindi na maulit pa ang ganitong insidente. —sa panulat ni Angelica Doctolero
