Posible nang mas mapadali ang proseso ng pag-a-apply ng loan sa Land bank of the Philippines.
Ito’y matapos lumagda ang Land Bank at Transunion Information Solutions Inc. sa isang agreement para sa credit information exchange ng dalawang kompanya.
Ayon kay Land Bank president at CEO Gilda Pico, sa pamamagitan nito’y mas madali na nilang ma-access ang credit information at financial health ng mga customers.
Dahil dito, sinabi rin ni Pico na mas mabilis na rin nilang maipauunawa sa mga customers kung paano magkaroon ng mataas na credit limit at kung paano makakautang nang mababa ang interes.
By: Jelbert Perdez
