Makakaranas ng sampung oras na water interruption ang malaking bahagi ng mga lungsod ng Las Piñas, Parañaque at Pasay simula mamayang 9:00 ng gabi hanggang bukas ng 7:00 ng umaga.
Sa abiso ng Maynilad, kabilang sa mga maapektuhan ang mga Barangay CAA, Daniel Fajardo, E. Aldana, Ilaya, Manuyo Dos at Manuyo Uno sa Las Piñas City.
Habang sa Parañaque ay ang mga Barangay Baclaran, BF Homes, Don Galo, La Huerta, Moonwalk, San Dionisio, San Isidro, Sto. Niño at Tambo at ang mga Barangay 10-13, 24-32, 38-40, 76-79, 145-179, 181 at 183-200 sa Pasay City.
Ang nasabing water interruption ay bunsod ng nakatakdang maintenance activity ng Maynila sa kanilang Pasay pumping station.
