Muli na namang bumaba ang lebel ng tubig sa Angat Dam sa lalawigan ng Bulacan ngayong araw.
Batay sa datos ng PAGASA Hydrology Division ala 6:00 kaninang umaga, pumalo na sa 161.01 meters ang lebel ng tubig sa Angat Dam.
Mas mababa ito ng .21 meters kumpara sa 161.22 meters na lebel ng tubig kahapon, Hulyo 7.
Maliban sa Angat, nabawasan din ang tubig sa La Mesa Dam na nasa 72.29 meters na ang lebel ng tubig na mas mababa kumpara kahapon na nasa 72.36 meters.
Gayundin naman, nabawasan din ang lebel ng tubig sa mga dam ng Ipo, Binga, San Roque at Pantabangan habang nadagdagan naman ang tubig sa mga dam ng Ambuklao, Magat at Caliraya.
