Hinikayat ni Department of Interior and Local Government (DILG) Secretary Mel Senen Sarmiento ang lahat ng lokal na pamahalaan sa buong bansa na makiisa sa gagawing nationwide earthquake drill sa Hunyo 22.
Ayon kay Sarmiento, mahalaga ang ikalawang drill upang maipaalala sa publiko ang kahalagahan ng pag-iingat lalo sa panahon ng kalamidad tulad ng lindol.
Binigyang diin pa ng kalihim na ang susi aniya para sa isang epektibong pagpapalaganap ng impormasyon hinggil sa lindol ay ang maayos at sistematikong pakikiisa ng lahat.
Kasunod nito, nanawagan si Sarmiento sa lahat ng LGU’s na magkasa rin ng kani-kanilang aktibidad sa Hunyo 22 bilang pagpapakita ng kahandaan ng publiko sa panahon ng kalamidad.
By Jaymark Dagala
