Ikinukunsidera ng Department of Health (DOH) ang pagbibigay ng insentibo sa mga local government units (LGU’s) na makapagtatala ng zero-firecracker related injury sa pagsalubong sa 2016.
Ayon kay Health Secretary Janette Garin, pinag-aaralan na ng kagawaran ang mechanics hinggil dito.
Ipinabatid ni Garin na maaaring ang incentives ay sa pamamagitan ng cash o kaya’y proyekto.
Sa pinakahuling datos, nakapagtala na ang DOH ng 10 firecracker related injuries.
Tatlo sa Laguna, dalawa sa Rizal at tig-isa sa Ilocos Norte, Isabela, Nueva Vizcaya, Iloilo at Davao del Norte.
By Meann Tanbio
