Ipinagpaliban ang nakatakdang libing sana bukas ni Ozamiz Mayor Reynaldo Parojinog Sr., ang asawang si Susan at kapatid para bigyang-daan ang private autopsy sa mga ito.
Sa halip na Lunes, ay itinkda sa Miyerkules , August 16 ang paghahatid sa huling hantungan sa mga ito sa Ozamiz City.
Ayon sa pamangkin ng patay na alkalde na si Aido Vasquez, sinunod nila ang payo ng kanilang mga abugado na magkaroon ng pribadong autopsy dahil sa paniwalang overkill ang ginawang pagsalakay ng mga otoridad sa tahanan ng napatay na alkalde.
Kasama rin sa dahilan ng pamilya para ipagpaliban ang libing ay ang naging desisyon ng korte na nagbasura sa motion ng nakakulong na si Vice-Mayor Nova Parojinog at kapatid na si Reynaldo Jr.
Umaasa pa rin ang pamilya ng mga Parojinog na makikita ng nakakulong na magkapatid ang labi ng kanilang napatay na magulang sa huling pagkakataon.
