Patuloy ang dagsa sa iba’t ibang transport terminal ngayong mahal na araw ng mga pasaherong uuwi sa kani-kanilang probinsya.
Nasa tatlong libo hanggang apat na libong pasahero na ang dumagsa sa Araneta bus terminal pa lamang sa Cubao, Quezon city.
Ayon sa Quezon city police district, inaasahang madaragdagan ang naturang bilang hanggang Miyerkules.
Sa Batangas port, patuloy din ang dating ng mga biyahero lalo ang mga bakasyonistang magtutungo sa Puerto Galera, Oriental Mindoro.
Samantala, walang humpay din ang buhos ng mga deboto sa ilang kilalang pilgrimage site gaya sa Quiapo Church, Maynila; Antipolo city, Rizal at Manaoag church, Pangasinan.
By Drew Nacino
