Timbog ng Mexican authorities ang lider ng Zetas Drug Cartel.
Si Jose Maria Guizar Valencia ay nasa wanted list din ng Amerika kung saan mayroon itong limang milyong dolyar ($5-m) na reward para sa pagkaaresto nito.
Ayon sa US state department, si Valencia ang nasa likod ng pagdadala ng ilang libong kilo ng cocaine at shabu sa Amerika kada taon.
Si Valencia na itinuturo ding nasa likod ng malawakang patayan sa Guatemala ay naaresto sa Roma.
Taong 2012 nang ituring ang Zetas bilang pinakamalaking ‘drug gang’ sa Mexico.
