Posibleng bago na ang liderato ng Senado sa susunod linggo.
Ito’y matapos lumagda sa isang resolusyon ang 15 senador na naglilipat ng kapangyarihan para maging pinuno ng Senado kay Senate Majority Leader Tito Sotto.
Kabilang sa mga senador na pabor na palitan ni Sotto si Senate President Koko Pimentel ay na sina Loren Legarda, Nancy Binay, Sonny Angara, Joel Villanueva, Gringo Honasan, Panfilo Lacson, Miguel Zubiri, Manny Pacquiao, Cynthia Villar, Chiz Escudero, Dick Gordon, Ralph Recto at JV Ejercito.
Nabatid naman na lalagda rin sa naturang resolusyon si Senadora Grace Poe pagdating mula sa ibang bansa.
Gayunman, nakatakda pa ring magsagawa ng caucus sa Lunes, Mayo 21 upang pag-usapan ang liderato sa Senado.
—-
