Pinangalanan ni Pangulong Ferdinand Marcos Jr. ang lima pang bagong miyembro ng kanyang gabinete.
Sa isinagawang press briefing kanina inihayag ni Press Secretary Atty. Trixie Cruz-Angeles na itinalaga ni Pangulong Ferdinand Marcos Jr. ang kanyang Lead Physician na si Dr. Samuel Zacate bilang Director General ng Food and Drug Administration (FDA).
Bukod kay Zacate, itinalaga din si retired Brigadier General Roman “Popong” Felix bilang Secretary ng Office of the Presidential Adviser on Military Affairs (OPAMA) at retired Major General Ariel Caculitan naman bilang OPAMA Undersecretary for Military Affairs.
Pasok din bilang Undersecretary for Police Affairs si retired General Isagani Nerez, habang pamumunuan naman ni Attorney Nesauro Firme ang Judicial and Bar Council.
