Arestado ang limang Chinese at tatlong Pilipino dahil sa pagdukot sa dalawang dating empleyado ng Philippine Offshore Gaming Operator (POGO) sa Taguig City.
Kinilala ang mga Chinese suspect na sina Zou Jian Cong, Yang Yu Yang, Bruce Gao Zhan, Chen Xing Ding at Wang Jian Bo habang ang tatlong Pilipino na sina Jose Marlito, Pepe Mengullo at Welson Borlado.
Ayon kay PNP – Anti Kidnapping Group (AKG) Spokesperson Lt. Col. Elmer Cereno, ikinasa ang operasyon laban sa mga suspek matapos makatanggap ng sumbong mula sa kasamahan ng mga biktima na sina Wang Zhe at Zhang Jia.
Aniya, dinukot ang dalawa malapit sa isang hotel sa Pasay at isinakay sa van bago dinala sa opisina ng POGO.
Humihingi umano ng walumpung libong Renminbi o nasa 58000 piso ang mga suspek sa pamilya ng mga biktima kapalit ng kanilang kalayaan.
Napag-alaman namang, plano na ng dalawang biktima na mag-quit sa trabaho at bumalik na lamang ng China bago dinukot ang mga ito.
