Nasawi ang limang katao habang sugatan naman ang dalawang iba pa sa bahagi ng Corinthian gardens sa Barangay Ugong Norte sa Quezon City matapos lamunin ng sunog ang isang residential area.
Sa paunang imbestigasyon, lumabas na ang mga nasawi ay miyembro ng pamilya Yu.
Ayon sa sa Bureau of Fire Protection (BFP), nagsimula ang sunog sa ikalawang palapag ng bahay ng pamilya, dahilan para itaas sa second alarm ang sunog.
Dagdag pa ng BFP, nahirapang pasukin ng kanilang mga tauhan ang bahay ng pamilya Yu dahil sa security features na nakalatag sa bahay nito gaya ng grills at double thick window.
Ganap na 5:25 ng umaga na ng ideklarang fire-out ang sunog sa bahay ng pamilya Yu.
Tinatayang aabot naman sa P50-M ang damage sa pinangyarihan ng sunog.
Sa huli, inihayag ng BFP na patuloy ang ginagawa nitong imbestigasyon hinggil sa dahilan ng pinagmulan ng sunog na ikinasawi ng limang katao.
