Isasailalim sa lockdow ang lungsod ng Lipa sa lalawigan ng Batangas simula ngayong araw matapos itong ibalik ng Inter-Agency Task Force (IATF) sa general community quarantine (GCQ).
Ayon kay Lipa City Mayor Eric Africa, kanilang ibinalik ang lockdown sa kanilang lugar bunsod na rin ng panawagan ng kaniyang mga residente.
Dahil dito, epektibo muli ang quarantine pass, maglalatag muli ng checkpoints, at isasara ang mga secondary road papasok at palabas ng kanilang lungsod.
Kasunod nito, inatasan din ng alkalde ang mga opisyal ng barangay na ilista ang mga taga-Lipa na nagtatrabaho sa labas ng lungsod na at tiyaking may hiwalay silang isolation facilities upang hindi makahawa ng virus sakaling tamaan sila nito.
