Maglalabas na ng listahan ang Commission on Higher Education (CHED) ng mga medical schools na kwalipikadong magsagawa ng face to face classes.
Ayon kay CHED Commissioner Prospero De Vera, dumaan sa ebalwasyon ang kapasidad ng ilang mga medical school para payagan silang magsagawa ng face to face classes sa kanilang 3rd at 4th year students.
Ani De Vera, inaasahang malalaman na ang mga medical school na naaprubahan sa susunod na dalawa o tatlong linggo.
Tiniyak ni De Vera na kung sakaling magkaroon ng COVID-19 infection sa paaralan ay agad itong ipasasara ng komisyon hanggang sa maayos ang problema.
