Inamin na ng LizQuen o nina Liza Soberano at Enrique Gil sa publiko ang kanilang dalawang taon nang relasyon.
Sa kanilang guesting sa programa ni Vice Ganda, tinanong ng komedyante ang dalawa tungkol sa tunay na estado ng kanilang relasyon at kung sila na ba.
Dito naman walang kagatol-gatol na sumagot si Enrique ng “yes”.
Kasunod nito, inamin naman ni Liza na dalawang taon na ang kanilang relasyon at sa katunayan aniya ay ipinadiwang nila ang kanilang anniversary noong Oktubre.
Sa ngayon, abala ang dalawa sa pagpo-promote ng kanilang pelikulang may titulong Alone/Together sa ilalim ng direksyon ni Antonette Jadaone at ipalalabas na sa Miyerkules.
