Itinanggi ng teen actress na si Liza Soberano ang umano’y kumakalat na balitang kabilang siyang bibida sa upcoming hollywood super hero film na “Spiderman: Homecoming”
Ayon kasi sa usap-usapan naimbitahan daw si Liza na gumanap bilang si Mary Jane na siyang ka-love team ni Spider Man.
Agad naman itong nilinaw ng aktres na wala siyang kahit anong natatanggap na imbistasyon mula sa Marvel Comics hinggil dito.
Aniya maaaring naging masyadong excited lang ang kanyang mga tagahanga kaya’t kumalat ang nasabing balita.
Ngunit aminado ang dalaga na kung sakaling totoo man ito ay isang magandang oportunidad ito at pangarap din niyang gumanap sa sikat na pelikula.
By Jenny Valencia
