Patay ang isang senior citizen matapos na mabagsakan ng crane sa isang construction site sa Old Balara, Quezon City.
Nakilala ang biktima na si Rosalinda Mendez, 74-taong gulang.
Ayon sa report, nagwawalis lamang ang biktima nang bumigay ang “crane” na ginagamit sa isang construction project ng Manila Water, dahilan para tamaan ito.
Nagawa pa umano maidala sa ospital si Mendez ngunit binawian din ito ng buhay.
Nangako naman ang Manila Water na ipapatigil muna ang proyekto upang maimbestigahan nila ang nasabing aksidente.
—-
