Nagdiriwang ang mga kapartido ni dating Department of Interior and Local Government (DILG) Secretary Mar Roxas sa Liberal Party dahil sa pag-arangkada ng ratings ng kanilang pambato batay sa pinakahuling survey ng Pulse Asia.
Ito’y makaraang maungusan ni Roxas si Vice President Jejomar Binay sa ikalawang puwesto bagama’t nangunguna pa rin si Senadora Grace Poe.
Ayon kay Representatives Francis Abaya ng Cavite at Ben Evardone ng Eastern Samar, maituturing nang unstoppable at mahirap nang pigilan ang ratings ni Roxas na pinatunayan lamang na mali ang ipinakakalat na propaganda ng oposisyon na hindi siya winnable na kandidato.
Gayunman, nagbabala naman si Parañaque Rep. Gus Tambunting na hindi pa dapat maging kampante ang dating kalihim ng DILG dahil marami pang aasahan sa mga survey sa hinaharap.
By Jaymark Dagala
