Nagbukas ng 7,870 franchise slots ang Land Transportation Franchising ang Regulatory Board (LTFRB) para sa mga nais pumasok sa Transport Network Vehicle Services (TNVS).
Ayon sa LTFRB, nakabase ito sa kanilang Board Resolution No. 065 series of 2022 kung saan pwede na silang tumanggap ng TNVS application sa ilalim ng mga accredited Transport Network Companies (TNC).
Sa nasabing alokasyon, 7,000 ang kukuhain sa NCR, 220 sa Region 3, 500 para sa Bico Region at 150 ang binuksan sa Western Visayas.
Pero nilinaw ng LTFRB na first come, first serve basis ang aplikasyon at personal itong gagawin sa kanilang mga regional offices.
