Hinimok ni House Speaker Pantaleon Alvarez si Land Transportation Office Chief Edgar Galvante na magbitiw na sa pwesto.
Kasunod ito ng kabiguan umano ni Galvante na lutasin ang problema sa pag – iisyu ng mga bagong plaka ng sasakyan.
Sa pagdinig ng House Committee on Transportation , sinabi ni Alvarez na isang taon nang nasa pwesto si Galvante ngunit napakarami pa ring sasakyan ang sa ngayon ay hindi pa rin na – iisyuhan ng mga bagong plaka.
Dagdag pa ni Alvarez , isa sa ipinangako nuon ni Pangulong Duterte sa kanyang kampanya ang pagresolba sa mga plaka kaya dapat na itong agarang aksyunan.
