Kumikilos na ang LTO o Land Transportation Office para higpitan ang pagkuha ng lisensya sa pagmamaneho.
Tiniyak ito ni LTO Chief Edgar Galvante matapos niyang segundahan ang obserbasyon ni Senador Tito Sotto na maraming drivers sa Pilipinas ang mga tanga.
Sa ilalim anya ng ikinakasa nilang pagbabago, hindi na puwede ang direktang pagkuha ng professional drivers liscense ng isang student driver hanggat wala itong sapat na karanasan bilang non-professional driver.
Maliban dito, mas mabigat na parusa na rin ang parusa sa mga madalas na lumabag sa batas trapiko.
“Ang lisensya natin ngayon ay 5 year duration, matagal bago mabigyan sila ng examination, isa sa gagawin talaga dito is yung suggestion ng Kamara na every year at everytime na may violation ay they will undergo a refresher, again kung medyo madalas yung violation bukod sa penalties at lectures, puwedeng kanselahin ang kanilang lisensya.” Pahayag ni Galvante
By Len Aguirre | Ratsada Balita (Interview)
