Naglabas na ng Show Cause Order and Land Transportation Office (LTO) laban sa may- ari ng sasakyan na umano’y sumagasa sa isang senior citizen sa Dapitan, Maynila nuong isang linggo.
Inatasan rin ang may ari na dalhin ang kanyang sasakyan sa LTO North Motor Vehicle inspection sa LTO Head Office sa East Avenue para mainspeksyon sa Huwebes, December 15 sa LTO Main Office sa lungsod ng Quezon.
Iaalarma rin ang sasakyan para mapigilan ang may ari na magamit sa mga transaksyon habang nagpapatuloy ang imbestigasyon .
Pinagpapaliwanag rin ang driver kung bakit hindi dapat ito maparusahan tulad ng suspensyon o kanselasyon ng lisensya.
Ayon sa salaysay ng 62 taong gulang na babae, nagaabang lamang ng sasakyan sa dapitan para magsimba sa Quiapo nang atrasan siya ng kotse at bahagyang pumailalim, pero sa halip na huminto, tumakas pa ang drayber.
