Naki-usap ang kapamilya star na si Luis Manzano na tigilan na ang pang-ba-bash sa dalagang nagreklamo matapos umanong makulangan sa regalong ibinigay ng TV host.
Sa instagram post ni Luis, sinabi nito na nagusap na sila ng dalaga at nagkaayos na sila.
Humingi din umano ito ng tulong na matigil na ang mga natatanggap niyang negative comments at messages.
Magugunitang nag-viral ang post ng dalaga na tila nagrereklamo sa regalong ibinigay sa kaniya ng host ng “I Can See Your Voice”.
Sumali kasi ang kaniyang ama sa naturang game show ngunit maagang na-eliminate at dito humiling na mabigyan ng simpleng salu-salo ang kaniyang anak sa 18th birthday nito.
Dito nag-volunteer si Luis na sagutin ang gastos ng simpleng salu-salo ngunit tila nakulangan ang anak ng contestant sa 10,000 pesos na ibinigay ng TV host.
Dahil dito umani ng negatibong kumento ang naturang dalaga.
