Naging maayos ang pagsisimula ng special elections sa Tubaran, Lanao Del Sur.
Ito ang inihayag ni COMELEC Commissioner George Garcia kung saan nagbukas ang mga presinto sa Riantaran, Gadongan at Pagalamatan, Lanao Del Sur sa nakatakdang oras na ala-6 ng umaga.
Ang mga nasabing lugar ay bahagi ng munisipalidad ng Tubaran, Lanao Del Sur.
Nasa 12 barangay at 15 clustered precincts ang nagbukas at maayos na nakapagsagawa ng eleksyon.
Samantala, nakatakda namang magsagawa ng special polls sa mga probinsiya dalawang linggo makalipas ang May 9 elections dahil sa maraming naitalang insidente ng poll related violence.
