Kinansela ng American singer na si Madonna ang lahat ng naka-schedule niyang mga concerts dahil sa nararamdamang matinding pananakit.
Batay sa instagram post ni Madonna, humingi siya ng paumanhin sa kanyang mga tagahanga dahil sa hindi inaasahang pangyayari.
Ayon kay Madonna, bagama’t itinuturing niyang isang parusa ang pasiya na kanselahin ang kanyang mga concerts, kinakailangan niyang gawin ito dahil sa nararanasang sakit.
Pinayuhan aniya siya ng kanyang doktor na magpahinga na muna para maging maayos ang pakiramdam at maipagpatuloy ang kanyang Madame X concert tour.
Samantala, nakatakda namang magsagawa ng reunion concert tour ang American girl band na Pussycat Dolls, 10 taon matapos silang ma-disband.
Sisimulan ang reunion concert sa Dublin sa susunod na taon.
