Tiniyak ng National Historical Commission of the Philippines (NHCP) na mananagot ang Queen of Pop na si Madonna sa paggamit nito sa watawat ng Pilipinas sa Rebel Heart concert nito sa Maynila.
Ayon kay NHCP Heraldry Section Chief Teodoro Atienza, lumabag si Madonna sa Republic Act number 8491 matapos gawing tapis at balabal ng queen of pop ang bandila ng Pilipinas.
Giit ni Atienza na ginawang katawa-tawa ni Madonna ang watawat at sumayad pa ito sa sahig ng entablado.
Binigyang diin ni Atienza na hindi rason kung di man alam ni Madonna at mga organizer nito ang batas ukol sa watawat ng Pilipinas.
Dahil dito, maaari aniyang mapa-deport si Madonna at hindi na payagan pang makabalik ng bansa.
By Ralph Obina
