Patay ang isang matandang lalaki at anak nito matapos pagsasaksakin sa Diamond Village sa Barangay Matina Aplaya, Davao City.
Ayon kay Major Noel Villahermosa, Station Commander ng Talomo Police, kinilala ang mga biktima na sina; Panfilo Manrique, 70 taong gulang at anak na si Geraldin, 43-anyos.
Ang suspek ay si Rio Ballenas, 30-anyos na partner ng isa sa anak ni Panfilo.
Dahilan ng pananaksak ng suspek ang pagtatalo dahil sa politika partikular ang pagkabigo ng kaniyang sinusuportahang lokal na kandidato sa eleksyon.
Sa ngayon, dinala na sa Women and Children Protection Desk ang tatlong batang nakakita sa insidente habang ikinulong na sa Detention Cell ang suspek.
