Sugatan ang mag-ama sa Balabac, Palawan matapos kagatin ng 15 talampakang buwaya.
Ayon kay Supt. Imelda Tolentino, tagapagsalita ng PNP-MIMAROPA, inihahada na ng kinse anyos na si Karik Asli Buara ang kanilang bangka malapit sa kanilang bahay alas dos ng hapon kahapon nang sagpangin ito ng buwaya at hilahin sa tubig.
Agad sumigaw ng tulong ang bata na narinig naman agad ng kanyang ina.
Ginising nito ang natutulog niyang asawa na agad lumusong sa tubig at sinaksak ang mata ng buwaya kaya nakawala sa pagkakagat ang bata.
Kinagat din ng buwaya ang ama ng bata na ngayo’y nagpapagaling na sa ospital.
