Sugatan ang mag-asawa matapos banggain ng isang van ang motorsiklong kanilang sinasakyan sa intersection ng Ramon Magsaysay Boulevard at V. Mapa sa Sta. Mesa, Maynila.
Ayon sa mag-asawang hindi na pinangalanan, galing silang Antipolo at pauwi na sana sila nang mag-dilaw ang traffic light dahilan para sila ay magmenor at huminto.
Dito na sila nagulat nang salpukin sila ng van sa likuran kung saan, nasira ang luggage box ng kanilang motor.
Sa ngayon, nakikipag-areglo na ang driver ng van habang nagpapatuloy pa ang imbestigasyon sa nangyaring insidente.
