Nananatili sa intensive care unit ng Houston Methodist Hospital sa Texas sina dating US President George Herbert Walker Bush at asawang si Barbara dahil sa sakit na pneumonia at bronchitis.
Sumailalim ang 92-anyos na dating pangulo sa procedure na magtatanggal sa mga nakabara sa kanyang airway.
Ayon kay Jim Mcgrath, Spokesman ng pamilya Bush, nasa stable na kondisyon at nagpapahinga na sa ospital si ginoong Bush.
Samantala, ilang linggo na anyang masama ang pakiramdam ng 91 anyos na si Barbara dahil sa bronchitis habang inaalam kung tatalab ang mga treatment sa dating unang ginang bago pauwiin.
By Drew Nacino
