Naispatang magkasama sa isang party sa ang mag-ex na sina Nadine Lustre at James Reid, halos 1 linggo matapos umaming hiwalay na sila.
Batay sa naglabasang mga larawan at video sa social media, kasama nina Nadine at James ang kanilang mga kaibigan habang masayang nagha-hang out sa Poblacion Makati City kagabi, Enero 25.
Dahil dito, maraming mga fans at netizens ang tila nabuhayan sa posibilidad na nagkabalikan na ang dalawa.
Samantala, wala pang ipinalalabas na pahayag sina Nadine at James kung kanilang sinusubukang ayusin ang kanilang relasyon matapos naman ang pag-amin sa totoong estado nito.
