Tatlong bata ang nasawi sa sunog sa Cabanatuan City, Nueva Ecija sa gitna ng pagdiriwang ng linggo ng pagkabuhay.
Kinilala ang mga biktimang magkakapatid na sina Julius Cesar Gonzales, 12 taong gulang; Christine Joy, 11 at Celina, 3 taong gulang.
Dakong alas-8:30 ng umaga nang sumiklab ang sunog sa isang bungalow na pag-aari ni August Caezar Gonzales sa Barangay Dionisio Garcia.
Ayon sa Bureau of Fire Protection, nadamay ang dalawang katabing bahay ng kaanak ni Gonzales.
Mag-a-9 na nang tuluyang maapula ang sunog.
Tinaya sa P100k ang halaga ng napinsala o natupok na mga ari-arian habang inaalam pa ang sanhi ng pagkalat ng apoy.
