Magkapatid na Imee at Bongbong Marcos posibleng makulong

Nagbabala ang Kamara na posibleng makulong ang magkapatid na sina Ilocos Norte Governor Imee Marcos at dating Senador Bongbong Marcos kung hindi haharap ang una kaugnay sa iligal na paggamit ng probinsya sa tobacco fund.

Ayon kay House Committee on Good Government and Public Accountability Chairman at Surigao del Sur Representative Johnny Pimentel, ito ay kung patuloy na iisnabin ni Governor Imee Marcos ang imbestigasyon ng Kamara.

Mapipilitan aniya ang komite na magpalabas ng arrest order laban kay Imee kung patuloy nitong iisnabin ang imbitasyon para dumalo sa pagdinig sa Hulyo 25.

Nagbabala naman si Pimentel kay dating Senador Bongbong Marcos na huwag nitong payuhan si Imee na deadmahin dahil posible itong makasuhan sa korte.

By  Rianne Briones 

Comments

comments