Sumuko sa mga awtoridad ang magkapatid na miyembro ng New People’s Army o NPA sa Tacurong City, Sultan Kudarat.
Kinilala ang magkapatid na sina alyas Boyet, 19-anyos at alyas Ato, 18-anyos.
Sinamahan ang dalawa ng kanilang ama na umaming dati ring miyembro ng NPA sa pagsuko ng mga ito sa first mechanized infantry brigade.
Ayon kay alyas Boyet, sumuko sila matapos na himukin ng ama hinggil sa ibinibigay na benepisyo sa mga magbabalik pamahalaang rebelde.
Kasamang isinuko ang dalawa ang isang 40-millimeter grenade launcher at isang baril.
—-
