Inirekomenda na ng DOJ o Department of Justice na sampahan ng kaso sa korte ang magkapatid na Ozamiz City Vice Mayor Nova Princess Echavez at Reynaldo Parojinog Jr.
Ito’y makaraang makitaan ng probable cause ng DOJ na masampahan ng kaso ang magkapatid dahil sa mga kasong illegal possession of firearms and ammunitions at illegal possession of prohibited drugs.
Bukod pa ito sa illegal possession of explosives na isinampa ng DOJ laban kay Parojinog Jr. makaraang magbato ito ng granada sa mga pulis na nagsagawa ng raid sa tahanan ng pamilya nuong Hunyo 30.
Batay sa inilabas na resolusyon ng DOJ, bagama’t tanging mga baril at bala lamang ang pakay ng search warrant mula sa Korte, pinahihintulutan din ang mga awtoridad na samsamin ang iba pang ipinagbabawal na kagamitan o bagay tulad ng droga na natagpuan sa nasabing tahanan.
By Jaymark Dagala / (Ulat ni Bert Mozo)
