Hindi napigilan ng kampo ng magkapatid na Joel at Mario Reyes ang paglilipat sa kanila sa lalawigan ng Palawan.
Sinasabing may lagnat si Mario Reyes habang mataas naman ang BP o Blood Pressure ni Joel Reyes.
Gayunman, matapos suriin ng isang doktor mula sa PNP General Hospital ay inirekomenda na maaari namang bumiyahe ang mga ito.
Ang magkapatid ay idinadawit sa kasong pagpatay kay Doc Gerry Ortega.
Matatandaang sinundo ng mga tauhan ng PNP-Criminal Investigation and Detection Group sa Thailand ang mga ito matapos mahuli ng mga otoridad doon.
Samantala, pumalag ang kampo ng magkapatid na Joel at Mario Reyes matapos iprisinta sa media sa PNP-Criminal Investigation and Detection Group.
Ayon kay Atty. Demetrio Custodio, abogado ng dalawang pugante, hindi alam ng kanyang mga kliyente na ihaharap ang mga ito sa mga mamamahayag.
Gayunman, nagulat ang magkapatid nang pigilan umano sila sa pagsasalita sa isinagawang press conference sa PNP-CIDG.
By Jelbert Perdez | Report and Photo Courtesy of: Jonathan Andal
