Patay ang magkapatid matapos malunod sa naimbak na tubig sa palayan sa Bayambang, Pangasinan.
Sa ulat, katatapos lang daw na mag-agahan ng magkapatid kasama ang kanilang lola nang maglaro ang dalawa sa labas ng kanilang bahay at doon na inaya ang magkapatid ng tatlo pang kaibigan nito na maglaro sa binahang palayan sa lugar.
Naimbak ang tubig matapos ang pag-uulan sa lugar na may malilim na bahagi kung saan nalunod ang magkapatid.
Tinangka pang sagipin ng mas bata niyang kapatid na naunang nalunod pero pareho silang hindi pinalad.
Nanawagan naman ng tulong ang pamilya ng biktima sa pagpapalibing sa magkapatid.—sa panulat ni Rex Espiritu
