Sumuko sa mga otoridad ang isang lalaki at kinakasama nitong babae na kapwa may katungkulan sa New people’s Army (NPA) sa Caraga region.
Kinilala ang mga rebeldeng sina alyas Wendel, 37 anyos, team leader at alyas Ann-Ann, 32 anyos, Squad Medic ng Sub-Regional Committee 3 – Guerilla Front 4-A sa ilalim ng North Central Mindanao Regional Committee.
Ayon sa Philippine National Police, sumuko ang dalawa sa 1,304th maneuver company ng Regional Mobile Force Batallion 13 at 1st Agusan Del Norte Provincial Mobile Force Company.
Sa ngayon ay kasama na ng dalawa ang kanilang pamilya.—sa panulat ni Mara Valle
