Patay ang isang magsasaka makaraang lamunin ng lupa ang kaniyang sinisilungang bahay dahil sa landslide sa Sitio Natulan, Barangay Mongo, Mayoyao Ifugao.
Kinilala ang biktima na si Renie Omayho Bullan, 37-anyos na nagpunta sa kaniyang kapatid upang kunin sana ang kanyang motorsiklo sa gitna ng malalakas na pag-ulan.
Ayon sa mga otoridad, nagkaroon ng pagguho ng lupa sa lugar dahil sa walang tigil na pag-ulan.
Agad na nagsagawa ng search and rescue operations ang tauhan ng Municipal Disaster Risk Reduction And Management Office, katuwang ang Ifugao Provincial Police Office, Bureau of Fire Protection, at iba pang volunteers at dito na nahukay ang bangkay ni Bullan.
Dahil dito, nag-paalala ang mga otoridad na doblehin ang pag-iingat at manatiling handa laban sa sama ng panahon.
