Balak ni Filipino boxer Mark “Magnifico” Magsayo na sumampa muli ng ring ngayong taon.
Ang 26 taong gulang na si Magsayo ay naging No. 1 contender para sa WBC featherweight championship na kasalukuyang hawak ni Gary Russell Jr. matapos patulugin ang Mehikanong si Julio Ceja.
Ang laban nina Ceja at Magsayo ay bahagi ng Manny Pacquiao-Yordenis Ugas undercard kung saan nakabawi ang Pinoy mula sa fifth round knockdown at pinatumba ang Mexican boxer sa ika-sampung round.
Dahil sa panalong iyon, wala pa ring talo si Magsayo sa kanyang dalawampu’t tatlong laban.
