Patay ang magtiyuhin sa Mulanay, Quezon province matapos makuryente habang namimitas ng gulay.
Kinilala ni Mulanay Police Station Chief, Police Captain Joseph Ian Java ang mga biktima na sina Fabian Ermo Bia at pamangkin nito na si Sherwin Mediavilla na kapwa residente ng Barangay Santa Rosa.
Ang isa pang pamangkin ni Bia na si Reymark Mediavilla ang nakakita sa katawan ng dalawa malapit sa nakalaylay na kawad ng kuryente.
Sinundan umano ni Reymark ang mga biktima dahil hindi pa bumabalik matapos magpaalam na mamimitas lamang ng gulay.
Tinitignang anggulo ng mga otoridad na hindi napansin ng mga biktma ang nakalaylay na kawad na nababalot ng damo.
Sa ngayon, iniimbestigahan na kung sino ang pwede panagutin sa nangyari.
