Labis na ikinagulat ni Malaysian opposition leader Mahatir Mohamad ang kaniyang pagkapanalo sa katatapos pa lamang na halalan sa kanilang bansa.
Ito’y sa kabila ng kanyang edad na nobenta’y dos na siyang itinuturing na pinakamatandang lider ng Malaysia sa nakalipas na anim na dekada mula nang lumaya ito sa koloniya ng Britanya.
Papalitan ng nagbabalik puwestong si Mohamad si outgoing Malaysian Prime Minister Najib Razak na nanungkulan sa nakalipas na halos isang dekada.
Magugunitang naitala na rin si Mohamad bilang pinakamatagal na namuno sa Malaysia sa loob ng 22 taon sa kapangyarihan.
—-
