Dinampot ng mga awtoridad ang 153 indibidwal kasunod ng isinagawang operasyon sa ilalim ng “Oplan Pokemon” sa Cebu City.
Ayon sa Cebu City police office, kasama sa mga nahuli ang 84 na gumagamit at nagtutulak ng bawal na gamot at 21 sangkot sa iligal na sugal.
Sampu naman ang nahuli na may warrant of arrest at walo ang dawit sa illegal possession of firearms.
Bukod pa rito, tiklo rin sina Jobelon Soquib, pulis sa barangay Talamban, at Stanley Coca, isang discharged na sundalo.
Sinasabing dati nang sumukong drug suspect ang ilan sa mga nahuli na bumalik sa bisyo habang ang iba naman ay mga nakapiyansa sa kasong may kinalaman din sa iligal na droga.
